نكت جزائرية

:lol: : قالك زوج دخلوا للمطعم واحد غني و الاخر فقير. الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول ".
******************************************************************************
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي .
**************************************************************
قالك واحد الكلاسة يديرو الطوايش بزاف؟؟؟؟؟؟ جى المدير سقساهم بالواحد؟ الأول؟ لأنت واش درت؟: قالو انا عميت صاحبي بالمدور الكومبا. والثاني أنت واش درت؟: قالو انا ضربت الشيخة؟ والثالث أنت واش درت؟ قالو أنا رميت كويغطة من التاقة.....قالو المدير أنت اقعد انت عاقل رميت غير كويغطة. كي كان هابط المدير صاب تلميذ ميت مدقدق قالهم :شكون هذا؟؟؟؟؟؟؟؟؟؟؟؟؟؟؟؟؟؟؟؟؟قالولو كويغطة عبد القادر .

************************************************************************************************************

قالك خطرة نملة لقاوها قاع زرقة علاه؟؟؟؟؟؟ الباب تبلع على صباعها
*****************************************************
قالك واحد عجزان (كسلان) كي بغا يتزوج باش ما يتعبش جاب وحدة بالحمل
******************************************************
قالك خطرة زوج فنيانين بغاو يركبو لامبا تحاسبو شكون اللي يركبها؟ أيا تفاهمو قالو أنا نركب فوق ظهرك و أنت دور بيا
***********************************************************
قالك خطرة واحد زطايلي قاعد يطلع في قارو في الدار أيا شافتو ماماه قاتلو لياه يا وليدي راك تخسر في هذاك القارو ؟ قالها روحي ضربي دورة و رواحي تصيبيه هو مخسرني
**********************************************************
خطرة واحد الخطرة واحد بغا يزوج بنتو كي جاو نهار الرفود (نهار الللي يدو العروسة فيه) قالهم باباها لا بغيتو ربي ما تبوطوش (الكلاكسون) أيا في الطريق قال بابات العريس كيفاه ما نكلاكسونوش ؟؟؟؟أيا كي بداو يكلاكسونو خرجت العروسة راسها و بدات تعيط هايا البطاطا .............
***********************************************************
قالك خطرة وحدة قالت لصاحبها قولي كلمة تحبسلي قلبي ؟ أيا قالها بالاكي خوك راه موراك

السلام عليكم ارجو منك كتابة الموضوع بجد